ئاوڕێک لە ژیانی ، مامۆستا و نووسەر و وەرگێڕ و ڕووناکبیری کورد .
رەوشەن بەدرخان
مێژووی خەبات و شۆرشی ڕووناکبیری کورد بەبێ ناوهێنانی بەدرخانیەکان تەواو نابێت، بە جۆرێک مێژووی کوردیان بۆ چەندین سەدە ڕوشنکردوتەوە.
ڕەوشەن بەدرخان ژنە کوردێکی چالاک و ڕووناکبیر بووە، لە ساڵی 1909 لە قەیسەری  لە دایکبووە، تەمەنی دوو ساڵانە بووە چوونە  ئەستەمبوڵ، لە ساڵی 1913 بەدرخانیەکان جارێکیتر کەوتوونەتە بەر شاڵاوی کار بەدەستانی تورکە لاوەکان و دوور خراونەتەوە، ڕەوشەن بەدرخان لە گەڵ باوکی لە دیمەشق گیرساونەتەوە، لە سوریا بووە بە مامۆستا، ساڵی 1935 ڕووی لە ئوردن کردووە، لە وێ بووتە بەرپرسی قوتابخانە، ساڵی 1928 گەڕاوەتەوە دیمەشق و کراوە بە مامۆستای زمانی عەرەبی و بەرپرسی چەندین قوتابخانە، ساڵی 1934 بووە بە ئەندامی یەکیەتی ژنان لە سوریا ، ساڵی 1944 وەک نوێنەری ئەو ڕێکخراوەیە بەشداری کردووە لە کۆنگرەی جیهانی ئافرەتان لە میسر ،ڕەوشەن بەدرخان لە دەرکردنی گۆڤارەکانی هاوار و ڕووناهی یارمەتی مێردەکەی جەلادەت بەدرخانی داوە و یەکەم ژنی کوردە کە لە گۆڤاری هاوار بە کوردیی کرمانجی و لاتین وتاری نووسیوە. ساڵی 1956لە شاری حەلەب کۆمەڵەی زانست و ڕۆشنبیرییان دامەزراندووە، ساڵی1957 لە کۆنگرەی دژی کۆلۆنیالیزم لە یۆنان نوێنەرایەتی گەلی کوردی لە ئەستۆ بووە . ئەوە یەکەم جار بووە ژنێکی کورد لە کۆنگرەیەکی جیهانی بەشدار بێت. لە ساڵی 1971 لە حاجی ئۆمەران یەکیەتی ئافرەتانی کوردی دامەزراند و هەر لەو ساڵەشدا وەک ئەندامی کۆڕی زانیاری کورد وەرگیراوە، لە ساڵی 1972 لە سێیەمین کۆنگرەی یەکیەتی ئافرەتانی کورد بەشدار بووە کە لە باشور بە ڕێوە چووە،
بەرهەمەکانی.
بیرەوەرییەکانی مامۆستایەک(لە سێ کتێبدا، وەرگێڕان لە تورکییەوە بۆ عەرەبی ساڵی۱۹۵۴)
پەیامی خەڵکی کورد(هەڵبەست و گۆرانی لە کوردییەوە بۆ عەرەبی)ساڵی 1954
لەپەرەکانی وێژەی کوردی ساڵی1954
نامەیەک لە میرجەلادەت بەدرخانەوە بۆ مستەفا کەمال پاشا( وەرگێڕان لە تورکییەوە بۆ عەرەبی)1991
بیرەوەرییەکانی من(دەستنووس)
بابم عەبدولحەمید(لەنووسینی عایشێ،کچی سوڵتان عەبدولحەمید)
ئەم ژنە کوردە چالاک و ڕووناکبیرە کە تەواوی ژیانی تەرخان کردبوو بۆ خزمەت بە گەلەکەی لە مانگی 1ی حوزەیرانی  ساڵی  1992 لە دیمەشق کۆچی دوایی کرد .
ئامادەکاری دەق . مەنسور ئەمین نژاد
سەرچاوەکان .wish.net. khaktv . History of kurdistan