کورتە باسێک لە ژیانی ،مامۆستا، نووسەر، وەرگێر ،پڕۆفیسور هاشم ئەحمەد زادە
بە شێوەیەک ژیان بەرینە سەر ، کە ناوەکەمان، لە گەڵ بەدەنمان تێکەڵ بە خاک نەبێت .
ساڵی 1961 لە شاری مەهاباد چاوی بە ژیان هەڵهێناوە ساڵی 1986 لە ئیران بەکالۆریۆسی لە زمانی ئینگلیزی وەرگرتووە، ساڵی 1995 لە زانکۆی ئوپسالا بەکالۆرێسکی لە ڕۆژهەڵات ناسی وەرگرتووە. ساڵی 1996 لە هەمان بواردا پلەی ماستەری وەرگرتووە، ساڵی 1999 لە زانکۆی ئوپسالا لە بوارەکانی مێژوو و سیاسەت لە ڕۆژهەڵاتی ناوەراست و زمان و ئەدەبیاتی فارسی و زمانە ئێرانییەکان دەستی بە وانە گوتنەوە کردووە، تێزی دوکتۆراکەی نووسینی کتێبی، ڕۆمان و نەتەوە یە کە لە ساڵی 2003 لە لایەن زانکۆی ئوپسالاوە چاپ و بڵاو کراوەتەوە ، ئەم کتێبە دواتر بۆ زمانەکانی تورکی و فارسی وەرگێردراوە.
لە نێوان ساڵانی 2005 تا 12 سەرەتا وەک مامۆستا و دواتر وەک پرۆفیسۆری یاریدەدەر لە لێکۆڵینەوەی ڕۆژهەڵاتی ناوەراست دا لە زانکۆی ئینگلیزی بریتانیا کاری کردووە، لە 2012 تا 15 وەک لێکۆڵەرەوە لە ئەنستیتۆتی توێژینەوە و گەشەپێدان کوردستان کە ناوەندەکەی لە هەولێرە دەستی بە کار کردووە. لەم ساڵانەدا لە زانکۆی فەرەنسی لوبناندا مامۆستای زمان و ئەدەبیاتی ئینگلیزی بووە.
لە ساڵانی 2016 تا 2018 لە سوید وانەبێژ بووە .
لە ماوەی دوو دەیەی ڕابڕدوودا کتێب و وتارگەلێکی زۆری بە زمانەکانی کوردی، فارسی، سویدی و ئینگلیزی بڵاو کردووەتەوە.
لە دەیان کونفرانسی نێونەتەوەیی بەشدار بووە، لە سەر زۆر بواری ئەدەبی ، فەرهەنگی ،زانستی ، سیاسی و پرسگەلی جیاواز لە ڕۆژ هەڵاتی ناوەراستدا باس و قسەی کردووە.
کتێبەکانی ئەم نووسەرە . جیهانی ڕۆمان . زمان ئەدەب و ناسنامە . گێرانەوەناسی. هەرچی هەیە ڕاڤەیە.
وەرگێڕدراوەکانی. هونەری داستان . دەفتەری سوور . هیچ دۆستێکم جگەلەچیاکان. کوردەکان و ئەوانی دیکەیان . کورد و کۆمەڵگەی مەدەنی .
جیا لە مانەش دەیان وتاری ئەدەبی . ڕەخنەیی و تێوریکی بە زمانەکانی ئینگلیزی، سویدی، کوردی و فارسی بڵاوکردووەتەوە.
ئەم کەسایەتییە بەڕێزە ئیستاش هەر چالاکانە لەم بوارانەدا خەریکی تێکۆشانە .
ئامادەکاری دەق .مەنسور ئەمین نژاد
سەرچاوەکان . PediaWiki. Kurdipedia. Mangpub.