هەموو زاگڕۆس، جێ پێکانتان ئەناسنەوە، بوونتان شەرەفی نیشتمانە.
لەو ڕۆژەوە جەستەی ژینگەی جوان و ڕازەوەی مەریوان، بە بڵێسەی ئاگری بەئەنقەستی دوژمنکارانی ناحەز، زامدارە، جەماوەری ژینگە پارێزی کوردستان بۆ ئان و ساتێک بێ پشوو، بە هانای ژینگەی زیندووی مەریوانەوە چوون و لە هەوڵی پارێزگاری و دامرکانی ئاگری دەستی کاولکارانی ژینگەی کوردستاندان.
وەک بنکەی ئاشتی بانە، وێڕای ئیدانەکردنی ژێنۆسایدی ژینگەی کوردستان، دەسخۆشی و ماندوو نەبوونی لەو ماندوو نەناسانە دەکەین. سپاس بۆ ئەنجومەنی سەوزی مەریوان، سپاس بۆ ئەنجومەنی پاژین ی بانە و بۆ هەموو ڕێکخراوە ژینگەپارێزەکانی کوردستان. سپاس و پێزانین بۆ گشت خەڵکانی بەئەمەگی بەشدار بوو لە بەرگری جوامێرانە، لە ژینگەی نیشتمان.
بنکەی گەشەی فەرهەنگی بانە(ئاشتی)
۱٦ی گەلاوێژی ۱٤۰۲ی هەتاوی