گشت نەفسەکان مەزەی مردن دەچێژن

دایک و باوک و بنەماڵەی بەڕێزی کۆچکردوو، کاک ھاوڕێ کەریمی، ھاوشاریانی بەڕێز

بەداخەوە ھەواڵی کۆچی دوایی کاک ھاوڕێ کەریمی لە تۆڕەکۆمەڵایەتیەکانەوە، وەھا کوتوپڕ بڵاو بوەوە، کە وەک شۆکێک لە جەستەی شارەکەمان درابێ، ھەموانی غافڵگیر و خەمەکانی قورستر و برینەکانی تازەتر کردینەوە. ئەو خەبەرە دڵتەزێنە لە کاتێکدا بە گوێی خەڵکی شارەکامان گەیشت، کە ئێستاش نەمانتوانیوە قورسایی و گەورەیی خەمی لەدەستدانی دوو برا ھونەرمەندە سینەماکارە ناوازەکەی( کاک تەھا و کاک ئومێد)، کە یەک لەدوای یەک جێیانھێشتین، فەرامۆش بکەین. لەدەسچوونی ئەو سێ برایە لە ماوە زەمەنیەکی کورتی سێ ساڵەدا، خەمێکی ھێند قورسە بۆ بنەماڵە و ھەموو خەڵکی بانە، کە بۆ ھەمیشە لە حافزەی تاریخی شارەکەماندا جێخۆشدەکات و ناڕەوێتەوە. ھەروەھا خەم و خەسارێکی ئەوەندە گەورەیە، کە بۆ ھونەرمەندان بە گشتی و بۆ ھونەرمەندانی سینەماکار بەتایبەتی، لەبیرچوون و قەرەبووکردنەوەی ئەستەمە.

ئێمە بە خەم و پەژارەیەکی زۆرەوە، سەرەخۆشی خۆمان بە خزمەت دایک و باوک و گشت بنەماڵەی بەڕێزی کۆچکردوو و ھونەرمەندان و سینەماکاران و ھەموو خەڵکی شارەکەمان ئاڕاستە ئەکەین. لە خوای گەورە داواکارین کە سەبووری بە ھەموان ببەخشێت.

ڕۆحی پاکی برایانی کەریمی شاد و یادیان ھەرمان بێت

بنکەی گەشەی فەرھەنگی بانە – ئاشتی

٣ی خەزەڵوەری ١٣٩٥ی ھەتاوی