بنکەی ئاشتی,
پەیامی ئاشتی، بە بۆنەی سەرکەوتنی گرووپی هونەریی هەڵپەڕکێی ”چالاک”ی بانە

پاراستنی ڕەسەنایەتی و هەوڵ و تێکۆشان بۆ گەشەی هەمەلایەنەی فەرهەنگی شار و نەتەوەکەمان، ئەرکی سەرشانی هەموومانە

هەواڵی سەرکەوتنی بەرچاوی گرووپی هونەریی هەڵپەڕکێی ”چالاک” ی بانە و کۆڕی ڕەنگینی هونەرمەندانی هاوڕێیان، لە کێبەرکێی فستیڤاڵی نێونەتەوەیی فەرهەنگ و هونەری وڵاتی ئەرمەنستان، بە وەدەستهێنانی(پلەی دووهەم بۆ گرووپی چالاک، خەڵاتی تایبەتی لیژنەی دەوەران بۆ پاراستنی فەرهەنگی ڕەسەنایەتی نەتەوەکان، پلەی یەکەم بۆ باشترین مۆسیقای و باشترین دەنگی فستیڤاڵ، بەخشینی دیپلۆمی شانازی فستیڤاڵ و باشترین دەنگی فستیڤاڵ و…)، شادمانی کردین و فەخر و شانازی بە هەموان بەخشی. سەکەوتنی بەردەوامی هونەرمەندانی شارەکەمان، لە کێبەرکێییە ناوخۆیی و نێونەتەوەییەکاندا، نیشانە لە نەسرەوت، کۆڵنەدان، بەرزەخۆیی و، ورە و بەهرە و توانایی هەرە بەرزی لاوەکانمان.
دەسخۆشی و پیرۆزبایی گەرمی خۆمان پێشکەش دەکەین بە هەموو هاوڕێیانی هونەرمەندی دەستەی هەڵپەڕکێی ”چالاک”(سەید ئەحمەد تەوەکولی، ئەشکان عەبدوڵڵایی، عەلی مەحموودی، عەلی مەحموودیان) و گشت هاوڕێیان و یارمەتیدەرانی بەشداربووی ئەم سەرکەوتنە مەزنە. پیرۆزباییش لە کاک ”ئومید زارعی” دەکەین کە بە نوواندی بەهرە و تواناییەکانی، وەک داوەری لێهاتووی لیژنەی هەڵسەنگاندنی فستیڤاڵی “هەپی پلانێد”ی وڵاتی ئەرمەنستان، هەڵبژێردرا.
سەرکەوتن و گەشە و پێشکەوتنی بەردەوامتان بۆ بە ئاوت دەخوازین. شادمان و سەربەرز و بەختەوەر بژین.
بنکەی گەشەی فەرهەنگی بانە ـ ئاشتی
٧ی گەلاوێژی ١٤٠١ی هەتاوی
https://t.me/ashtybane