یادی تەها کەریمی بەرز و پیرۆز ڕادەگرین

گەورە هەنەرمەدی سینەماکاری کورد، تەها کەریمی، ساڵی۱۳٥٤ی هەتاوی(۱۹۷٥ی ز، ۲٦۷٥ی ک) لە شارۆچکەی بۆیەن، سەر بە شاری بانە لە دایک بوو و لە ۸ی جۆزەردانی ساڵی ۱۳۹۲ به هۆی ڕووداوی هاتوچو گیانی لە دەست دا.

تەها کەریمی، چەندین بەرهەمی فیلمی سینەمایی و کورتە فیلمی خوڵقاند، کە هەندێکیان بوونە ساحەب خەڵاتی نێونەتەوەیی.

فیلمەکانی تەها کەریمی، بە کوردی بوون و زۆرێک لەو فیلمانە چوونەتە سەر زمانە زیندووەکانی جیهان. ناوەڕۆکی زۆربەی فیلمەکانی وەک”کوێستانی قەندیل” و ”کوێستانی سپی” باس لە کێشەی کورد و شەڕی براکوژی دەکەن.

ئەو هونەرمەندە هەر چەن تەمەنی لە ٣٥ ساڵ تێنەپەڕی، بەڵام لەو ماوە کورتەی تەمەنیدا، بە بەرهەمەکانی سینەمای کوردی گەیاندە ئاستی فستیڤاڵ و کێبەرکێی جیهانی.

بنکەی ئاشتی بانە، پاڵپشتی و ڕێزگرتن لە هونەرمەندانی کورد، بە ئەرکی سەرەکی خۆی زانیوە و دەزانێت.

ئەوڕۆ وێڕای خەڵکی بانە و هەموو کوردستان، یادی ئەو هونەرمەندەی شارەکەمان تازە دەکەینەوە و بەڵێن دەدەین، بەردەوام بین لە هەوڵ و تێکۆشانمان بۆ پاڵپشتی و ڕێز گرتن لە هونەرمەندان و ناساندنی بەرهەمەکانیان.

ڕۆحی شاد، یادی سەوز و ڕێگەی پیرۆزی بەردەوام

بنکەی گەشەی فەرهەنگی بانە(ئاشتی) ٨ی جۆزەردانی ١٤٠٢ی هەتاوی(٢٧٢٣ی ک)